ᠮᠣᠩᠭᠣᠯ ᠤ᠋ᠨ ᠦᠨᠳᠦᠰᠦᠨ ᠦ᠋ ᠮᠦᠽᠧᠢ ᠦᠨᠳᠦᠰᠦᠨ ᠦ᠋ ᠶᠡᢈᠡ ᠪᠠᠶᠠᠷ ᠨᠠᠭᠠᠳᠤᠮ ᠪᠣᠯᠤᠨ «ᠳᠡᠯᠡᢈᠡᠢ ᠶ᠋ᠢᠨ ᠠᠳᠤᠭᠤᠨ ᠤ᠋ ᠡᠳᠦᠷ»"-ᠡᠶᠢ ᠶ᠋ᠢ ᠲᠣᢈᠢᠶᠠᠯᠳᠤᠭᠤᠯᠤᠨ «ᠮᠣᠩᠭᠣᠯ ᠨᠠᠭᠠᠳᠤᠮ: ᠮᠣᠷᠢᠨ ᠡᠷᠳᠡᠨᠢ « ᠲᠤᠰᠬᠠᠢ ᠦᠵᠡᠰᢈᠦᠯᠡᠩ ᠢ᠋ ᠦᠵᠡᢉᠴᠢ ᠣᠯᠠᠨ ᠳ᠋ᠤ ᠪᠠᠨ ᠲᠣᠯᠢᠯᠠᠭᠤᠯᠬᠤ ᢉᠡᠵᠦ ᠪᠠᠶᠢᠨᠠ᠃ ᠮᠣᠩᠭᠣᠯ ᠤ᠋ᠨ ᠦᠨᠳᠦᠰᠦᠨ ᠦ᠋ ᠶᠡᢈᠡ ᠪᠠᠶᠠᠷ ᠨᠠᠭᠠᠳᠤᠮ ᠨᠢ ᠮᠣᠩᠭᠣᠯᠴᠤᠳ ᠤ᠋ᠨ ᠲᠥᠷᠦᠲᠦ ᠶᠣᠰᠤᠨ ᠤ᠋ ᠤᠯᠠᠮᠵᠢᠯᠠᠯ᠂ ᠨᠡᢉᠦᠳᠡᠯᠴᠢᠳ ᠦ᠋ᠨ ᠰᠣᠶᠤᠯ ᠢᠷᢉᠡᠨᠰᠢᠯ ᠦ᠋ᠨ ᠦᠨᠡᠲᠦ ᠥᠪ᠂ ᠠᠷᠠᠳ ᠲᠦᠮᠡᠨ ᠦ᠋ ᠡᠪ ᠨᠢᢉᠡᠳᠦᠯ᠂ ᠦᠨᠳᠦᠰᠦᠨ ᠦ᠋ ᠪᠠᠬᠠᠷᠬᠠᠯ ᠤ᠋ᠨ ᠪᠡᠯᢉᠡᠳᠡᠯ ᠪᠢᠯᠡ᠃ ᠨᠢᢉᠡᠳᠦᢉᠰᠡᠨ ᠦᠨᠳᠦᠰᠦᠲᠡᠨ ᠦ᠋ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠶᠡᠷᠦᠩᢈᠡᠢ ᠠᠰᠰᠠᠮᠪᠯᠧᠢ ᠶ᠋ᠢᠨ ᠒᠐᠒᠕ ᠣᠨ ᠤ᠋ ᠗᠙ ᠳ᠋ᠦ᠋ᢉᠡᠷ ᠴᠢᠭᠤᠯᠭᠠᠨ ᠤ᠋ ᠲᠣᠭᠲᠠᠭᠠᠯ ᠪᠣᠯᠤᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠑᠐᠐ ᠳ᠋ᠤᠭᠠᠷ ᠲᠣᠭᠲᠠᠭᠠᠯ ᠤ᠋ᠨ ᠳᠠᠭᠠᠭᠤ ᠒᠐᠒᠖ ᠣᠨ ᠠ᠋ᠴᠠ ᠡᢈᠢᠯᠡᠨ ᠵᠢᠯ ᠪᠦᠷᠢ ᠶ᠋ᠢᠨ ᠳᠣᠯᠤᠭᠠᠳᠤᠭᠠᠷ ᠰᠠᠷᠠ ᠶ᠋ᠢᠨ ᠑᠑᠆᠑᠓᠆ᠤ᠋ ᠡᠳᠦᠷ ᠦ᠋ᠳ ᠢ᠋ «ᠳᠡᠯᠡᢈᠡᠢ ᠶ᠋ᠢᠨ ᠠᠳᠤᠭᠤᠨ ᠤ᠋ ᠡᠳᠦᠷ» ᠪᠣᠯᠭᠠᠨ ᠲᠡᠮᠳᠡᢉᠯᠡᠨ ᠥᠩᢉᠡᠷᠡᢉᠦᠯᢈᠦ ᠪᠡᠷ ᠪᠠᠲᠤᠯᠠᠮᠵᠢᠯᠠᠭᠰᠠᠨ ᠨᠢ ᠮᠣᠩᠭᠣᠯ ᠠᠳᠤᠭᠤ᠂ᠠᠳᠤᠭᠤᠨ ᠤ᠋ ᠥᠪ ᠰᠣᠶᠤᠯ ᠢ᠋ ᠳᠡᠯᠡᢈᠡᠢ ᠳᠠᢈᠢᠨ ᠳ᠋ᠤ ᠰᠤᠷᠲᠠᠯᠴᠢᠯᠠᠨ ᠲᠠᠨᠢᠭᠤᠯᠬᠤ ᠲᠡᠦᢈᠡᠨ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ ᠦᠶᠢᠯᠡ ᠶᠠᠪᠤᠳᠠᠯ ᠪᠣᠯᠵᠤ ᠪᠠᠶᠢᠨᠠ᠃ ᠡᠨᠡ ᢈᠦ ᠦᠵᠡᠰᢈᠦᠯᠡᠩ ᠢ᠋ᠶᠡᠷ ᠳᠠᠮᠵᠢᠭᠤᠯᠤᠨ ᠡᠷᠡ ᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤ᠋ᠨ ᠥᠪ ᠤᠯᠠᠮᠵᠢᠯᠠᠯ᠂ ᠮᠣᠩᠭᠣᠯ ᠠᠳᠤᠭᠤ᠂ ᠠᠳᠤᠭᠤᠨ ᠤ᠋ ᠰᠣᠶᠤᠯ ᠤ᠋ᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠢ᠋ ᠣᠯᠠᠨ ᠨᠡᠶᠢᠲᠡ ᠳ᠋ᠦ ᠲᠠᠨᠢᠭᠤᠯᠤᠨ ᠰᠤᠷᠲᠠᠯᠴᠢᠯᠠᠬᠤ ᠶᠤᠮ᠃ ᠮᠣᠩᠭᠣᠯᠴᠤᠳ ᠡᠷᠲᠡᠨ ᠡᠴᠡ ᠠᠳᠤᠭᠤ ᠶ᠋ᠢ ᠡᠷᢈᠡ ᠴᠢᠯᠦᢉᠡ᠂ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ᠂ ᠦᠨᠳᠦᠰᠦᠨ ᠦ᠋ ᠣᠷᠤᠰᠢᠬᠤᠢ ᠶ᠋ᠢᠨ ᠪᠡᠯᢉᠡᠳᠡᠯ ᢈᠡᠮᠡᠨ ᠳᠡᢉᠡᠳᠦᠯᠡᠨ ᠢᠷᠡᢉᠰᠡᠨ ᠠᠷᠠᠳ ᠲᠦᠮᠡᠨ ᠪᠢᠯᠡ᠃ ᠦᠵᠡᠰᢈᠦᠯᠡᠩ ᠳ᠋ᠦ ᠮᠣᠩᠭᠣᠯ ᠨᠤᠲᠤᠭ ᠲᠤ ᢈᠦᠮᠦᠰ ᠡᠷᠲᠡ ᠦᠶᠡ ᠡᠴᠡ ᠠᠳᠤᠭᠤ ᠶ᠋ᠢ ᠭᠠᠷᠰᠢᠭᠤᠯᠤᠨ ᠠᠬᠤᠢ ᠠᠮᠢᠳᠤᠷᠠᠯ ᠳ᠋ᠤ ᠪᠠᠨ ᢈᠡᠷᠡᢉᠯᠡᠵᠦ ᠢᠷᠡᢉᠰᠡᠨ ᠦ᠋ ᢉᠡᠷᠡᠴᠢ ᠪᠣᠯᠬᠤ ᢈᠦᠷᠡᠯ ᠦ᠋ᠨ ᠦᠶᠡ ᠶ᠋ᠢᠨ ᠠᠮᠠᠭᠠᠢ᠂ᠵᠤᠤᠵᠠᠢ᠂ ᠲᠦᠷᠦᢉ ᠦ᠋ᠨ ᠦᠶᠡ ᠪᠣᠯᠤᠨ ᠮᠣᠩᠭᠣᠯ ᠤ᠋ᠨ ᠡᠵᠡᠨᠲᠦ ᢉᠦᠷᠦᠨ ᠦ᠋ ᠦᠶᠡ ᠶ᠋ᠢᠨ ᠡᠮᠡᢉᠡᠯ᠂ ᠬᠠᠵᠠᠭᠠᠷ ᠤ᠋ᠨ ᠦᠯᠡᠳᠡᢉᠳᠡᠯ ᠵᠡᠷᢉᠡ ᠠᠷᢈᠧᠣᠯᠣᢉᠢ ᠶ᠋ᠢᠨ ᠬᠣᠪᠤᠷ ᠣᠯᠳᠠᠪᠤᠷᠢ ᠨᠤᠭᠤᠳ ᠢ᠋ ᠳᠡᠯᢉᠡᠨ ᠦᠵᠡᢉᠦᠯᠵᠦ ᠪᠠᠶᠢᠨᠠ᠃ ᠲᠡᢉᠦᠨᠴᠢᠯᠡᠨ ᠮᠥᠩᢉᠦᠨ ᠡᠮᠡᢉᠡᠯ᠂ ᠬᠠᠵᠠᠭᠠᠷ᠂ ᠳᠥᠷᠦᢉᠡ᠂ ᠲᠠᠰᠢᠭᠤᠷ᠂ ᠪᠤᠭᠤᠶᠢᠯᠢ᠂ᠲᠤᠱᠠᠭᠠ ᠵᠡᠷᢉᠡ ᠤᠨᠤᠯᠭᠠ ᠶ᠋ᠢᠨ ᠲᠣᠨᠤᠭ ᢈᠡᠷᠡᢉᠰᠡᠯ᠂ ᠮᠣᠷᠢ ᠰᠢᠲᠦᠯᢉᠡ ᠲᠡᠢ ᠬᠣᠯᠪᠤᠭᠠᠲᠠᠢ ᠬᠣᠪᠤᠷ ᠨᠠᠨᠳᠢᠨ ᠳᠤᠷᠠᠰᠬᠠᠯ ᠤ᠋ᠳ ᠢ᠋ ᠪᠠᠭᠲᠠᠭᠠᠭᠰᠠᠨ ᠒᠕᠐ ᠣᠷᠴᠢᠮ "ᠠᠷᢈᠢᠸ ᠤ᠋ᠨ ᠶᠡᠷᠦᠩᢈᠡᠢ ᠭᠠᠵᠠᠷ"᠆ᠤ᠋ᠨ ᠰᠠᠩ ᢈᠥᠮᠦᠷᢉᠡ ᠳ᠋ᠦ ᠬᠠᠳᠠᠭᠠᠯᠠᠭᠳᠠᠵᠤ ᠪᠤᠢ ᠠᠷᢈᠢᠸ ᠤ᠋ᠨ ᠪᠠᠷᠢᠮᠲᠠ᠂ᢉᠡᠷᠡᠯ ᠵᠢᠷᠤᠭ᠂ ᠳᠦᠷᠰᠦ ᠪᠢᠴᠢᠯᢉᠡ ᠪᠣᠯᠤᠨ "ᠲᠠᠯᠠ ᠶ᠋ᠢᠨ ᠢᠵᠠᠭᠤᠷᠲᠠᠨ ᠰᠠᠩ"᠆ᠳ᠋ᠦ ᠬᠠᠳᠠᠭᠠᠯᠠᠭᠳᠠᠵᠤ ᠪᠤᠢ ᠠᠳᠤᠭᠤᠨ ᠤ᠋ ᠰᠠᠩ ᠰᠤᠳᠤᠷ ᠠ᠋ᠴᠠ ᠳᠡᢉᠡᠵᠢᠯᠡᠨ ᠳᠡᠯᢉᠡᠨ ᠲᠣᠯᠢᠯᠠᠭᠤᠯᠵᠤ ᠪᠠᠶᠢᠨᠠ᠃ ᠡᠨᠡ ᢈᠦ ᠦᠵᠡᠰᢈᠦᠯᠡᠩ ᠨᠢ ᠮᠣᠩᠭᠣᠯᠴᠤᠳ ᠤ᠋ᠨ ᠪᠦᠲᠦᢉᠡᢉᠰᠡᠨ ᠠᠳᠤᠭᠤᠨ ᠤ᠋ ᠥᠪ ᠰᠣᠶᠤᠯ ᠢ᠋ ᠬᠠᠳᠠᠭᠠᠯᠠᠨ ᠬᠠᠮᠠᠭᠠᠯᠠᠬᠤ᠂ᠰᠤᠳᠤᠯᠤᠨ ᠰᠤᠷᠲᠠᠯᠴᠢᠯᠠᠬᠤ᠂ ᠬᠣᠶᠢᠴᠢ ᠦᠶᠡ ᠳ᠋ᠦ ᠥᠪᠯᠡᢉᠦᠯᠦᠨ ᠦᠯᠡᠳᠡᢉᠡᢈᠦ᠂ ᠤᠯᠠᠮ ᠢ᠋ᠶᠠᠷ ᢈᠦᠮᠦᠨ ᠲᠥᠷᠦᠯᢈᠢᠲᠡᠨ ᠦ᠋ ᠰᠣᠶᠤᠯ ᠤ᠋ᠨ ᠥᠪ ᠦ᠋ᠨ ᠰᠠᠯᠤᠰᠢ ᠦᢉᠡᠢ ᢈᠡᠰᠡᢉ ᠪᠣᠯᠬᠤ ᠶ᠋ᠢ ᠲᠠᠨᠢᠭᠤᠯᠤᠨ ᠲᠦᢉᠡᢉᠡᠨ ᠳᠡᠯᢉᠡᠷᠡᢉᠦᠯᢈᠦ ᠦᠶᠢᠯᠡᠰ ᠲᠦ ᠦᠨᠡᠲᠡᠢ ᠬᠤᠪᠢ ᠨᠡᠮᠡᠷᠢ ᠣᠷᠤᠭᠤᠯᠤᠨᠠ ᢉᠡᠳᠡᢉ ᠲᠦ ᠢᠲᠡᢉᠡᠯᠲᠡᠢ ᠪᠠᠶᠢᠨᠠ᠃ ︽ᠮᠣᠩᠭᠣᠯ ᠨᠠᠭᠠᠳᠤᠮ: ᠮᠣᠷᠢᠨ ᠡᠷᠳᠡᠨᠢ « ᠲᠤᠰᠬᠠᠢ ᠦᠵᠡᠰᢈᠦᠯᠡᠩ ᠒᠐᠒᠖ ᠣᠨ ᠤ᠋ ᠳᠣᠯᠤᠭᠠᠳᠤᠭᠠᠷ ᠰᠠᠷᠠ ᠶ᠋ᠢᠨ ᠘᠆ᠠ᠋ᠴᠠ ᠨᠠᠢᠮᠠᠳᠤᠭᠠᠷ ᠰᠠᠷᠠ ᠶ᠋ᠢᠨ ᠑᠖᠆ᠤ᠋ ᠡᠳᠦᠷ ᠢ᠋ ᢈᠦᠷᠲᠡᠯᠡ ᠮᠣᠩᠭᠣᠯ ᠤ᠋ᠨ ᠦᠨᠳᠦᠰᠦᠨ ᠦ᠋ ᠮᠦᠽᠧᠢ ᠶ᠋ᠢᠨ ᠦᠵᠡᠰᢈᠦᠯᠡᠩ ᠦ᠋ᠨ ᠲᠠᠩᢈᠢᠮ ᠳ᠋ᠤ ᠠᠵᠢᠯᠯᠠᠨᠠ᠃ ᠮᠣᠩᠭᠣᠯ ᠲᠦᠮᠡᠨ ᠦ᠋ ᠲᠥᠷᠦᠲᠦ ᠶᠣᠰᠤ᠂ ᠥᠪ ᠰᠣᠶᠤᠯ ᠮᠥᠩᢈᠡ ᠳ᠋ᠦ ᠳᠡᠯᢉᠡᠷᠡᠨ ᠪᠠᠳᠠᠷᠠᠬᠤ ᠪᠣᠯᠲᠤᠭᠠᠢ! ᠮᠣᠩᠭᠣᠯ ᠤ᠋ᠨ ᠦᠨᠳᠦᠰᠦᠨ ᠦ᠋ ᠮᠦᠽᠧᠢ
www. nationalmuseum. mn
ᠬᠠᠷᠢᠯᠴᠠᠬᠤ ᠤᠲᠠaᠰ: ᠗᠐᠑᠑᠐᠙᠑᠓᠂ ᠙᠙᠑᠒᠓᠙᠒᠒
@ᢉᠡᠷᠡᠯ ᠵᠢᠷᠤᠭ᠆ᠪ᠂ᠴᠢᠳᠠᠷᠠᠪᠠᠯ