Олон улсын ахмадын баярыг тохиолдуулан Монголын Үндэсний музейн захирал, доктор Д.Отгонсүрэн олон жилийн турш хөдөлмөр зүтгэлээ музейдээ зориулсан ахмадуудаа хүндэтгэлтэйгээр хүлээн авч уулзлаа. Энэ үеэр музейн хамт олон, захирал, доктор Д.Отгонсүрэн ахмад үеийнхнийхээ музейн хөгжил, дэвшилд оруулсан үнэтэй хувь нэмрийг нь дурсан, музейгээс эрхлэн хэвлүүлсэн ном бүтээлийн дээжээ гардуулсан юм. Монголын Үндэсний музейн ахмадууд нь монголын музейн хөгжилд залуу нас, эрдэм мэдлэг, авьяас билгээ зориулсан бөгөөд тэдний маань туршлага, хөдөлмөрийн үлгэр дуурайлал нь бидний үнэт баялаг бөгөөд тэдний зүтгэлээр өнөөдрийн хөгжил, дүр төрх, үзэгчдийн итгэлийг даасан үндэсний музей болсон гэдгийг онцлон тэмдэглэлээ. Манай хамт олон нийгмийн хариуцлагын хүрээнд ахмадуудаа дээдлэн хүндэтгэх, тэдний амьдралд урам хайрлах уламжлалаа цаашид ч үргэлжлүүлэх билээ. ХҮНДЭТ АХМАДУУДДАА БАЯРЫН МЭНД ХҮРГЭЖ, ЭРҮҮЛ ЭНХ АЗ ЖАРГАЛЫГ ХҮСЭН ЕРӨӨЕ!
