Монгол гэр
Ялтсан гутал

“WINS & ROOTS ” МУЗЕЙН БОЛОВСРОЛЫН ТӨСӨЛ

    Монголын Үндэсний Музей, АНУ-ын Филаделфиа хотын Дрэxелийн Их Сургуулийн дэргэдэx Байгалын Шинжлэx Уxааны Академтэй хамтран дунд сургуулийн аxлаx ангийн эмэгтэй сурагчидад зориулсан нэг жилийн xугацаатай шинжлэx уxааны суурь мэдлэг олгох сургалтын xөтөлбөр хэрэгжүүлж байна. Филаделфийн Байгалийн Шинжлэx Уxааны Академи нь барууны орнуудаас хамгийн анxны байгалий түүxийн музейн суурийг тавьсан 200 жилийн түүxтэй бөгөөд цуглуулга болон судалгаа нь биологийн төрөл зүйл, байгаль орчны чиглэлийн үйл ажиллагаагаараа дэлхийд нэр нь танигдсан, шинжлэx уxааны байгууллага юм.

Дэлгэрэнгүй...

«МОНГОЛ-ФРАНЦЫН АРХЕОЛОГИЙН НЭЭЛТҮҮД. Хорин жилийн хамтын ажиллагаа»

Монгол-Францын хооронд дипломат харилцаа тогтоосны 50 жилийн ойд зориулсан үзэсгэлэн

 Монгол улс, Бүгд Найрамдах Франц улсын хооронд дипломат харилцаа тогтоосны 50 жилийн ойг ёслол төгөлдөр тэмдэглэж байна. Мөн энэ онд Монгол, Францын археологийн салбарын хамтын ажиллагааны 20 жилийн ой болж байгаа билээ. Энэ ойг тэмдэглэх ажлын хүрээнд хэрэгжүүлж буй урлаг соёл, шинжлэх ухаан, боловсрол, хүмүүнлэгийн харилцааны холбоотой олон талт үйл ажиллагааны нэг нь ШУА-ийн Түүх, археологийн хүрээлэн, Францын Цөлийн ба хээр талын хүрээлэн, Монголын Үндэсний Музейгээс зохион байгуулж буй "МОНГОЛ-ФРАНЦЫН АРХЕОЛОГИЙН НЭЭЛТҮҮД. Хорин жилийн хамтын ажиллагаа" үзэсгэлэн юм.

Дэлгэрэнгүй...

“МОНГОЛ ТӨРИЙН МЭРГЭН ӨВӨӨ”

Монголын төр, нийгмийн нэрт зүтгэлтэн Ж.Самбуугийн мэндэлсэний 120 жилийн ойд зориулав.

БНМАУ-ын Ардын Их Хурлын Тэргүүлэгчдийн дарга Жамсрангийн Самбуугийн мэндэлсэний 120 жилийн ойд зориулсан МОНГОЛ ТӨРИЙН МЭРГЭН ӨВӨӨ үзэсгэлэнг Монголын Үндэсний Музей, Самбуу сантай хамтран олон нийтэд толилуулж байна.

Дэлгэрэнгүй...

ЮНЕСКО/Японы Итгэлцлийн сангийн Музей судлалын мэргэжил арга зүйн төвийн НЭЭЛТ “Монголын музейн тогтвортой хөгжлийн чадавх дээшлүүлэх” төслийн ХААЛТЫН ЁСЛОЛ

2015 оны 5 дугаар сарын 29-ны Баасан гараг, 16:00 – 18:00 цагт

        ЮНЕСКО/Японы Итгэлцлийн сангийн “Монголын музейн тогтвортой хөгжлийн чадавх дээшлүүлэх” төслийг ЮНЕСКО-гийн Бээжин дэх Төлөөлөгчийн газар, БСШУЯ, Монголын Үндэсний Музей, Занабазарын нэрэмжит Дүрслэх Урлагийн Музей, Олон Улсын Музейн Зөвлөлийн Монголын Үндэсний Хороо, ЮНЕСКО-гийн Монголын Үндэсний Комисс хамтран 2012–2015 онд хэрэгжүүллээ. ЮНЕСКО-гийн Бээжин дэх Төлөөлөгчийн газар төслийн ерөнхий зохицуулагч, ЮНЕСКО-гийн Монголын Үндэсний Комисс Монгол Улс дахь төслийн зохицуулагч бөгөөд түнш байгууллагуудын төлөөллөөс бүрдсэн ажлын хэсэг, Монголын Үндэсний Музейн ажлын хэсэг  ажиллав.

Дэлгэрэнгүй...

МОНГОЛЫН ҮНДЭСНИЙ МУЗЕЙН ҮЗЭСГЭЛЭНГИЙН ТАНХИМУУД ШИНЭЧЛЭГДЛЭЭ

   Энэ жил Монгол Улсад ирэх жуулчдын тоо эрчимтэй өсөх хандлагатай байгаа бөгөөд аялагчдийн заавал үйлчлүүлдэг газар бол Музей юм. Монголын Үндэсний Музей нь эх орныхоо түүх, өв соёлыг таниулах, үйлчилгээний хүртээмжийг сайжруулах тал дээр анхааран ажиллаж байна. Энэ хүрээнд бид үзэсгэлэнгийн танхимуудаа шинэчлэн дэглэж, засвар хийж үзэгчдээ хүлээн авах бэлтгэл ажлаа хангаад байна. 2014-2015 онд тус музей “XVII-XX зууны эхэн үеийн Монгол орон”, “Социализмын үеийн Монгол Улс” танхимуудыг шинэчлэн дэглэсний зэрэгцээ “Монгол нутаг дахь эртний улсууд: Түрэгийн хаант улс, Хүннү гүрний танхим”-аа шинэчлэн заслаа.

Дэлгэрэнгүй...

“Музейн эрх зүйн орчны шинэчлэл” сэдэвт хэлэлцүүлэг болно

Японы Итгэлцлийн сангийн санхүүжилтээр 2012 оноос хэрэгжиж буй ЮНЕСКО-гийн “Музейн тогтвортой хөгжлийн чадавх дээшлүүлэх” төслийн хүрээнд “Музейн эрх зүйн орчны шинэчлэл” сэдэвт хэлэлцүүлэг Монголын Үндэсний Музейд 2015 оны 4 дүгээр сарын 27-нд 9:00-13:00 цагийн хооронд болно.

Хэлэлцүүлгийг БСШУЯ, ЮНЕСКО-гийн Бээжин дэх Төлөөлөгчийн газар,  ЮНЕСКО-гийн Монголын Үндэсний Комисс, Монголын Үндэсний Музей, Занабазарын нэрэмжит Дүрслэх урлагийн музей, Олон улсын музейн зөвлөлийн Монголын Үндэсний хороо хамтран зохион байгуулж байна. Хэлэлцүүлэгт холбогдох яам, байгууллага, төрийн болон хувийн музейн төлөөлөл оролцоно.

Дэлгэрэнгүй...

Музейн тасалбарыг онлайн хэлбэрээр борлуулж эхэллээ

Монголын Үндэсний Музей 2015 оны төлөвлөгөөт ажлын хүрээнд музейн тасалбарыг онлайн хэлбэрээр борлуулж эхэллээ. Техник технологийн дэвшлийг өөрсдийн ажилд бодитоор тусгаж музейг зорин ирэх үзэгч цахим хэлбэрээр тасалбар захиалах боломж бүрдэж байна. Гэр бүл найз нөхөд хамт олноороо музейд зочлох хэн бүхэн www.easyticket.mn сайтаар музейн тасалбарыг захиалах боломжтой боллоо.  Үүнээс гадна энэхүү систем нь музейд олон тооны үзэгч хүлээн авах үед зохион байгууллагчдын ажлыг хөнгөвчилж, борлуулалтын түгээлт сувгийг нэмэгдүүлэхэд тус болох юм. Мөн музейн үзэгчдэд зорилтот хэрэглэгчийн болон маркетингийн борлуулалтын мэдээлэлд суурилсан урамшуулал, бонусыг олгох боломжтой систем билээ. 

Дэлгэрэнгүй...

Үзэсгэлэнгийн танхим

 

Онлайн тасалбар

Шинэ ном

Өргөдөл гомдол, мэдээлэл өгөх

nmm@nationalmuseum.mn
Утас: 11-328537
 

Зочин ба гишүүд

Бидэнд 10 зочид ба Гишүүд байхгүй онлайн байна

Joomla Tutorials for Beginners

Вэб мэйл шалгах