THE NATIONAL MUSEUM OF MONGOLIA

Өнөөдөр нэмэгдсэн мэдээ

 ЭРХЭМ ЭРДЭМТЭН СУДЛААЧ ТАНАА                       

Монголын Үндэсний Музейгээс эрхлэн гаргадаг “Нүүдэлчдийн өв судлал” эрдэм шинжилгээний цуврал бичгийн шинэ дугаарт өөрсдийн судалгааны шинэлэг бүтээлээ хэвлэн нийтлүүлэхийг урьж байна.  2011 онд тохиож буй Хүннү гүрний буюу Монголын тулгар төрийн 2220 жил, 1921 оны Ардын хувьсгалын 90 жил, 1911 оны Үндэсний эрх чөлөөний хувьсгалын 100 жилийн түүхт ойнуудад зориулж тусгай дугаараар тус сэтгүүлийг эрхлэн гарна. 

• Хүннү гүрний буюу Монголын тулгар төрийн 2220 жилд зориулсан тусгай дугаарыг тус музейн ЭША Ц.Одбаатар,(e-mail: This e-mail address is being protected from spambots. You need JavaScript enabled to view it ) Г.Эрэгзэн Ph.D нар ( This e-mail address is being protected from spambots. You need JavaScript enabled to view it )

• 1921 оны Ардын хувьсгалын 90 жилд зориулсан дугаарыг Д.Бумаа Ph.D, (e-mail: This e-mail address is being protected from spambots. You need JavaScript enabled to view it ) Ж.Баярсайхан ( This e-mail address is being protected from spambots. You need JavaScript enabled to view it )нар

• 1911 оны Үндэсний эрх чөлөөний хувьсгалын 100 жилийн ойд зориулах тусгай дугаарыг Д.Цогбадрах, ( This e-mail address is being protected from spambots. You need JavaScript enabled to view it ) Н.Нарангэрэл (e-mail: This e-mail address is being protected from spambots. You need JavaScript enabled to view it ) нар тус тус эрхлэн гаргах тул сэтгүүлийн хяагаар болон дээрх ажилтнуудын хаягаар эрдэм шинжилгээний өгүүлэлээ илгээнэ үү.

Манай сэтгүүлд тавигдах шаардлага

1. Эрдэм шинжилгээний шаардлага

• Монголын түүх, угсаатны судлал, музей судлал, байгалийн шинжлэл зэрэг шинжлэх ухааны тодорхой асуудлыг авч үзсэн байх,
• Орчин үеийн шинжлэх ухааны онол, арга зүйн шаардлагад нийцсэн байх,
• Судалгааны шинэ, шинэлэг санаа, дүгнэлт, гаргалгаа дэвшүүлсэн байх,
• Судалгааны    шинэ   эх   хэрэглэгдэхүүнийг   шинжлэх   ухааны   эргэлтэнд оруулсан байх,
• Өгүүлэл болон товчлолоо цаас болон цахим хэлбэрээр хамт өгөхөөс гадна сэтгүүлийн редакцтай холбоотой байх,

• Өгүүлэл нь монгол, англи, орос, франц хэлний аль нэгээр бичигдсэн байх,
• Монгол хэлээр бичсэн өгүүлэл орос буюу англи товчлолтой, харин бусад хэлээр бичигдсэн өгүүлэл монгол товчлолтой байх,
• Үсгийн фонд:       Аriаl
• Үсгийн хэмжээ:    12
• Мөр авалт:            Single
• Догол мөр:           5 нэгж
• Өгүүллийн хэмжээ:    3-15 нүүр
• Ишлэл зүүлтийг “зохиогчийн нэр” эсвэл кодын аргаар хийсэн байх,
• Ном зүйг стандартын дагуу хийсэн байх.

      3. Хугацаа
- Сэтгүүлд орох материалыг 2011 оны IV сард багтаан авна.

СЭТГҮҮЛИЙН ХАЯГ:
Монголын Үндэсний Музей
Чингэлтэй дүүрэг, Жуулчны гудамж-1
Ш/х. 332. Улаанбаатар- 46
Утас. 326802, 70110913, 70110914
Факс: 976-11 326802
Е mail: This e-mail address is being protected from spambots. You need JavaScript enabled to view it
Website: www.nationalmuseum.mn

Сэтгүүлийн шинэ дугаар хэвлэгдэн гарлаа.

Монголын үндэсний музейгээс эрхлэн гаргадаг арга зүй, мэдээллийн сэтгүүлийн 04-р дугаар хэвлэгдэн музейчдийн хүртээл боллоо.

Уг сэтгүүл нь "Мэндчилгээ", "Хэлэлцүүлэг", "Музейн арга зүй", "Дэлхийн музей", "Сан хөмрөг", "Ярилцлага", "Үйл явдлын мэдээ", "Аяны богц", "Танин мэдэхүй", "Цонх" гэсэн бүтцийн дагуу мэдээ мэдээлэлтэй.  Түүх, соёлын эд өлгийн зүйлийг хадгалан хамгаалдаг ажилтан мэргэжилтнүүдийн мэдлэгт нэмэр болохуйц хилийн чанд дахь музейн туршлагын тухай мэдээллийг бэлтгэн хүргэдэг. 

Энэ удаагийн дугаарт Архангай, Баянхонгор, Дархан-уул, Дорнод, Өмнөговь, Өвөрхайнгай, Сүхбаатар, Хөвсгөл зэрэг аймаг орон нутгийн музей, соёлын төвүүдээс гадна Байгалийн түүхийн музей, Занабазарын нэрэмжит Дүрслэх музей, Монгол цэргийн түүхийн музейн ажилтнууд тус дугаарт мэдээ мэдээлэл бэлтгэн ирүүлжээ. 

 МОНГОЛЫН ЗУРАГТ ХУУДАС - Шинэ ном:   

Энэ бүтээлд Монголын Үндэсний музейн сан хөмрөгт хадгалагдаж буй зурагт хуудсууд, тэдгээрийн тайлбарыг багтаасан бөгөөд энэ нь XX зууны монголын түүх, аж амьдрал нийгмийн сэтгэлгээг илэрхийлэх сонирхолтой бүтээлүүд багтжээ. 1960-аад оны үеэс монголд анх зураасан зургаар мэргэшсэн мэргэжлийн зураачид бий болсноор зурагт хуудасны уран сайхны илэрхийлэл улам боловсронгуй болж плакат буюу “зурагт хуудас”-ны төрөл хөгжсөн билээ. Ингэж зурагт хуудасны төрөл нь сонин, сэтгүүлийн зургаас өргөжин гудамж талбайд байрлуулах баяр ёслолын чимэглэлийн хэлбэрт боловсорч хөгжсөн аж.

Эдгээр зурагт хуудасны бүтээлүүд нь зөвхөн ухуулгын чанартай байсан бус уран бүтээлийн шинж чанарыг агуулж, дүрслэх урлагийн салбарт биеэ даасан том төрөл болж хөгжиж чадсан аж. Уг каталогт 240 гаруй зурагт хуудас багтсан байна.

Түүхэн цаг үеийн аясаар эдгээр бүтээлүүдийн агуулга, аяс өөрчлөгдөж байсныг энэ номоос харж болох юм. Музейн сан хөмрөгт буй зурагт хуудасны хамгийн эртний нь Б.Шаравын “Уриа” зурагт хуудас 1921 онд бүтээгдэж байжээ.       

Энэхүү каталогийг Урлаг судлалын ухааны доктор, профессор Ц.Эрдэнцог, Ж.Саруулбуян нар  хамтран бүтээж “Монголын зуурагт хуудасын урлагийн хөгжлийн түүх”-ийг товчоолон бичжээ. Каталог нь монгол, англи хэлээр хэвлэгдсэн байна.

 2011.02.10

МОНГОЛЫН ТУЛГАР ТӨРИЙН 2220 ЖИЛИЙН ОЙН НЭЭЛТ, ЁСЛОЛЫН АЖИЛЛАГАА